Indoneziyadagi kuchli zilzila oqibatida halok bo‘lganlar soni 20 nafarga yetdi

Indoneziya qirg‘oqlarida yuz bergan kuchli zilzila oqibatida kamida 20 kishi halok bo‘lib, o‘nlab inson jarohat olgan. 6,4 magnitudali yer silkinishi chorshanba kuni yuz berdi, deb xabar qiladi Sinxua agentligi.

Tabiiy ofat o‘nlab uylar, bino va ibodatxonalarni vayronaga aylantirdi.

Zilzila mahalliy vaqt bilan taxminan soat 05:03 da (Toshkent vaqti bilan 03:03) yuz bergan. Yevropa-O‘rta yer dengizi seysmologiya markazi ma'lumotlariga ko‘ra, uning markazi Sumatra orolining shimoliy qirg‘og‘ida joylashgan Banda-Achex shahridan 92 kilometr sharqda bo‘lgan.