Putin 10 oy davomida 10 ta teraktning oldi olinganini ma'lum qildi

Federal xavfsizlik xizmati xodimlari 2016 yilning 10 oyi davomida o‘nta terrorchilik aktini oldini olishdi, deb ma'lum qildi Rossiya prezidenti Vladimir Putin. Bu haqda RIA «Novosti» xabar bermoqda.

«2016 yilning 10 oyi davomida Federal xavfsizlik xizmati yordamida 30 dan ortiq terrorchilik yo‘nalishidagi jinoyatlar, jumladan o‘nta terrorchilik xurujining oldi olindi», - deya aytib o‘tgan u.

Prezidentning ta'kidlashicha, Davlat dumasiga o‘tkazilgan saylovlarga tayyorgarlik ko‘rish va uni o‘tkazish jarayonida xavfsizlikni ta'minlash FXX xodimlari tomonidan “juda a'lo darajada uddalandi”.