Yaponiya Trans-Tinch okeani hamkorligiga qo‘shilish bitimini ratifikatsiya qildi
Yaponiya parlamentining yuqori palatasi Trans-Tinch okeani hamkorligiga qo‘shilish haqidagi bitimni tasdiqladi. Avvalroq, kelishuv quyi palata tomonidan ham ratifitsikatsiya qilingandi. Juma kuni esa hujjat yakuniy tarzda tasdiqdan o‘tdi.
Yaponiya tomonidan bitimni tasdiqlash AQSh prezidenti Donald Trampning ushbu iqtisodiy birlashmaga bo‘lgan salbiy munosabati bilan bir vaqtda ro‘y berdi. U bir necha bor o‘z mamlakatini TTHga qo‘shilmasligi haqida ta'kidlab o‘tgan. AQSh Kongressi amaldagi prezident Barak Obamaning barcha sa'y-harakatlariga qaramay ushbu hujjatni tasdiqlamadi.
TTH – Osiyo-Tinch okeani mintaqasiga kiruvchi 12 mamlakatning savdo ittifoqi bo‘lib, uning maqsadi – hamkorlik uchun ijobiy sharoitlarni yaratish, tarif cheklovlarini kamaytirish, savdo, iqtisodiy, ekologik va mehnat qoidalarining o‘zaro bog‘liqligini ta'minlashdan iborat. Alyansni yaratish haqida bitim 4 fevral kuni Oklendda (Yangi Zelandiya) imzolangan. TTHga kiruvchi davlatlar hisobiga jahon IIMning deyarli 40 foizi to‘g‘ri keladi.
Hujjat tuzilmaning barcha a'zolari uni tasdiqlasa kuchga kiradi. Biroq, Tramp mamlakatni TTH kelishuvlariga qo‘shilmasligi haqida va'da bergan.
Mavzuga oid
19:55 / 11.11.2024
Yaponiyada Ishiba hukumatining yangi tarkibi tasdiqlandi
17:59 / 11.11.2024
Yaponiyaning asosiy meteorologik sun’iy yo‘ldoshi ishdan chiqdi
23:27 / 10.11.2024
Yaponiya Harbiy-dengiz kuchlariga tegishli kemada yong‘in chiqdi
20:03 / 08.11.2024