Ronaldu Messi bilan jamoadosh bo‘lganida "Oltin to‘p" kimda ko‘proq bo‘lishini taxmin qildi

"Oltin to‘p"ni 4-marotaba qo‘lga kiritgan "Real Madrid" hujumchisi Krishtianu Ronaldu "Barselona" hujumchisi Lionel Messi bilan bir jamoada o‘ynaganida kim ko‘proq mukofot olishi borasida savolga javob berdi. 

"Bu juda qiyin savol. Bilmadim. Bizni bir jamoada ko‘rish juda qiziq bo‘lar edi. O‘ylashimcha, katta o‘yinchilar birga o‘ynashi kerak. Agarda biz bir jamoada o‘ynasak, o‘ylashimcha, menda "Oltin to‘p"lar soni ko‘proq bo‘lar edi, biroq oradagi farq kichkina bo‘lardi.

Barcha Messining kuchli o‘yinchi ekanini bilishadi, unda 5ta "Oltin to‘p" bor. 2017 yilda unga yetib olamanmi? Harakat qilaman", dedi Ronaldu. 

Krishtianu Ronaldu "Oltin to‘p"ni 4 marotaba olgan. Bu borada portugaliyalik futbolchi faqatgina Messidan ortda qolmoqda.