Qozog‘istonda bosh prokuratura binosida o‘ziga o‘t qo‘ygan ayol vafot etdi

Ostona shahrida Qozog‘iston bosh prokuraturasi binosi yonida o‘ziga o‘t qo‘ygan ayol Mayra Rismanova vafot etdi. Bu haqda Tengrinews.kz agentligi xabar bergan.
 
Yaqinlarining so‘zlariga ko‘ra, ayolni davolovchi shifokor 14 dekabr kuni qo‘ng‘iroq qilib, uning o‘limi haqida ma'lum qilgan.

Eslatib o‘tamiz, 48 yoshli Mayra Rismanova 6 dekabr kuni kasalxonaga olib kelingandi. O‘sha kuni u Ostonadagi respublika bosh prokuraturasi binosi ichiga kirib, o‘ziga o‘t qo‘ygan. Mahkamadan ma'lum qilishlaricha, ayol sudning o‘g‘li ishi bo‘yicha qaroridan norozi bo‘lib shunday ishni amalga oshirgan.