Netanyaxu: Qozog‘iston Isroil bilan munosabatlarni yaxshi yo‘lga qo‘ygan ilk musulmon davlat

Isroil bosh vaziri Binyamin Netanyahu Qozog‘iston prezidenti Nursulton Nazarboyevga Tel-aviv bilan munosabatlarni yaxshilashdagi sa'y-harakatlari uchun minnatdorlik bildirdi. Bu haqda, «Interfaks» agentligi xabar qilmoqda.

«Men Qozog‘iston Isroil bilan munosabatlarni yaxshi yo‘lga qo‘ygan ilk (musulmon) mamlakat bo‘lganini e'tirof etishni istardim», — degan Netanyahu Nazarboyevga Ostonadagi uchrashuvida. 

Isroil bosh vaziri, shuningdek, boshqa mamlakatlar Qozog‘istondan o‘rnak olishiga ishonch bildirgan. 

«Hozirda, boshqa mamlakatlar sizdan o‘rnak olmoqda. Men buning uchun sizga shaxsan minnatdorlik bildirishni xohlardim. O‘ylaymanki, bu dunyo kelajagiga umid bag‘ishlaydi», –deb qayd etgan Isroil hukumati rahbari. 

Uning qo‘shimcha qilishicha, «yahudiylar va musulmonlarning jamiyat farovonligi uchun birgalikda ishlayotgani, bugungi kunda butun dunyo uchun juda ahamiyatlidir».