2016 yilning 13-14 dekabr kunlari Toshkent shahrida O‘zbekiston Respublikasi va Qozog‘iston Respublikasi o‘rtasidagi munosabatlarning shartnomaviy-huquqiy asoslarini inventarizatsiya qilish va takomillashtirish bo‘yicha vazirliklararo maslahatlashuvlarning navbatdagi raundi bo‘lib o‘tdi.
TIV matbuot xizmati xabariga ko‘ra, Qozog‘iston Tashqi ishlar vazirligi delegatsiyasiga Xalqaro-huquqiy department direktori Arman Isetov boshchilik qildi.
Uchrashuv chog‘ida hamkorlikning shartnomaviy huquqiy asoslari inventarizatsiyasidan o‘tkazildi, ikki tomonlama hujjatlarning loyihalari hamda hamkorlikning huquqiy asoslarini rivojlantirish va kengaytirish istiqbollari muhokama qilindi.
Muzokaralar davomida tashqi siyosat idoralari huquqiy xizmatlarining faoliyati to‘g‘risida ham fikr almashildi.
