Rossiya Markaziy banki asosiy foiz stavkasini o‘zgartirmadi

Rossiya Markaziy banki yana bir bor qayta moliyalash stavkasini o‘zgartirmaslikka va 10 foiz darajasida saqlab qolishga qaror qildi. Bu haqda, Bosh moliyaviy muassasa saytida xabar qilingan. 

“Rossiya banki direktorlar kengashi 2016 yil 16 dekabrda asosiy foiz stavkasini o‘zgartirmaslikka qaror qildi. U yillik 10 foizlik darajada saqlab qolingan. Qayd etilishicha, inflyatsiya sur'ati va iqtisodiy faollik, umuman, prognozga mos keladi, pul qadrsizlanishi bilan bog‘liq tavakkalchiliklar birmuncha pasaygan”, — deyiladi xabarda. 

Markaziy bankning izohlashicha, qayta moliyalash stavkasini pasaytirish imkoniyati 2017 yilning birinchi yarimida ko‘rib chiqiladi.