Turkmaniston agrar partiyasi 17 dekabrda mamlakat prezidenti lavozimiga o‘zining hududiy bo‘limlaridan birining rahbari Durdiklich O‘razov nomzodini ilgari surdi, deb xabar bermoqda Turkmaniston televideniyesi.
Shu tariqa, Turkmanistonning barcha uchta partiyasi 12 fevralga belgilangan prezidentlik saylovlariga o‘z nomzodlarini taklif qilib bo‘ldi. Ulardan biri, mamlakatning amaldagi prezidenti, Demokratik partiyadan Gurbanguli Berdimuxamedov hisoblanadi.
Agrar partiya faollari O‘razovning tashkilotchilik qobiliyatlari, professionalligi va katta ish tajribasiga egaligini qayd qilib o‘tganlar. O‘razov esa o‘z navbatida, partiyadoshlariga ularning ishonchini oqlash uchun bor kuchini berishga va'da bergan.
Turkmaniston Markaziy saylov komissiyasi 24 dekabrdan nomzodlarni ro‘yxatdan o‘tkazishni boshlaydi, shundan keyin nomzodlar OAVda chiqishlarni va saylovchilar bilan uchrashishni boshlaydilar
Mamlakat konstitutsiyasiga ko‘ra, Turkmaniston prezidenti etib Turkmanistonda tug‘ilgan, 40 yoshdan kichik bo‘lmagan, davlat tilini biladigan, oxirgi 15 yil ichida Turkmanistonda doimiy ravishda yashagan va ishlagan fuqaro saylana oladi. Prezident 7 yilga saylanadi.
