Mourino nima uchun «Chelsi»ni quvib yetish qiyinligiga izoh berdi

«Manchester Yunayted» jamoasi bosh murabbiyi Joze Mourino APL turnir jadvalida «Chelsi»ni quvib yetish mashaqqatlari haqida gapirdi.

«Vaziyatga xolislik bilan qarasak, tan olishimiz kerakki, bu juda qiyin ish. Gap oradagi farqda ham emas, gap shundaki «Chelsi» jamoasi falsafasi shundayki, bu jamoani quvib yetish endi qiyin.

Ular bitta gol urib olib, himoyaga yotmoqda va g‘alabaga erishmoqda. Ularning himoyasi kuchli. Axir o‘yin yakuniga 20 daqiqa qolganda ular maydonga yana himoyachi tashlamoqda.

«Chelsi» boshqalarning gaplariga e'tibor qaratmaydi. Ular shunchaki natijani o‘ylashadi. Shu tufayli ular keyingi o‘yinlarda ham ko‘p ochkolar yo‘qotmaydi deb o‘ylayman», – deya qayd etib o‘tgan portugaliyalik mutaxassis.