AQSh generali IShIDning batamom tor-mor etilishi muddatini taxmin qildi

Foto:

AQSh yetakchiligidagi xalqaro koalitsiya kuchlari qo‘mondoni general Stiven Taunsendning taxmin qilishicha, IShID terrorchilik guruhini 2018 yilga kelib batamom tor-mor etish mumkin. Bu haqda u Daily Beast portaliga bergan intervyusida ma'lum qilgan.

Amerika generalining fikricha, jangarilarni ularning poytaxtlari – Iroqning Mo‘sul va Suriyaning Raqqa shaharlaridan chiqarish vazifasi 2018 yilga kelib uddalash mumkin bo‘ladi. Bunda, jangarilar guruhlari Suriya va Iroq oralig‘idagi sahroga joylashib olishlari mumkin.

Taunsend, shuningdek, Iroqdagi ko‘ngillilardan iborat bo‘linmalarni «o‘ta intizomli» ittifoqchilar deya olqishlagan.