Venesuelada so‘nggi yillardagi eng keng qamrovli pul almashtirish operatsiyasi o‘tkaziladi

Venesuela prezidenti Nikolas Maduro mamlakatga yangi banknotalar partiyasi olib kirilishi to‘g‘risida ma'lum qildi. Bu haqida TASS agentligi xabar berdi. 

"Soat 1:00da mamlakatga sakkiz kun kechikib 500 bolivar nominalli 35 million banknota olib kiriladi", - dedi u. 

Janubiy Amerika mamlakati hukumati ushbu oyda so‘nggi yillardagi eng keng qamrovli pul almashtirish operatsiyasini o‘tkazadi. 

Avvalgi xabarlarda Venesuelaning bir necha shtatlarida naqd pul yetishmovchiligi, shuningdek do‘konlarda 100 bolivarli banknotalar qabul qilinmayotganligi tufayli norozilik namoyishlari o‘tkazilgani ma'lum qilingandi.