Alisher Usmonov O‘zbekiston fuqaroligini olishga tayyorligini bildirdi

Asli kelib chiqishi o‘zbekistonlik bo‘lgan rossiyalik milliarder Alisher Usmonov Rossiya soliq rezidenti maqomiga qaytishi mumkin. Bu holat uning Xalqaro qilichbozlik federatsiyasi prezidenti lavozimidan ketganidan so‘ng ro‘y beradi, deb xabar qildi tadbirkor "Rossiya 24" telekanaliga bergan intervyusida.
Usmonovning aytishicha, u hozirda "xalqaro xizmat safarida bo‘lgan Rossiya soliq rezidenti"dir. "Men hozir bizning federatsiyamiz byurosi va federatsiyamiz qarorgohi ro‘yxatdan o‘tkazilgan joydaman. Bu Shveytsariya emas. Men federatsiya prezidenti bo‘lgan vaqtda u yerda yashashga majburman. Men u yerda bo‘lishim kerak. Qolgani esa mish-mishlar", deb aytgan Usmonov.
Milliarder xayriya ishlariga yo‘naltiradigan mablag‘lari hajmi uning soliq to‘lovlaridan bir necha marta kattaligini aytdi. "Shuning uchun men bu borada hotirjamman. Vijdonim toza. Ayniqsa, vatanim oldida. Sen o‘zingni aslida kim ekanligingni his qilishing eng asosiysidir. Men Rossiya fuqarosiman. Va albatta, mening bu lavozimdagi muddatim yakunlanishi bilan, agar meni tug‘ilgan vatanimga (O‘zbekistonga) chaqirishmasa, men Rossiya soliq rezidentligiga qaytaman", deb ta'kidlab o‘tdi Usmonov.
Usmonov 2008 yildan beri Xalqaro qilichbozlik federatsiyasi prezidenti hisoblanadi. Joriy yil noyabrida uning bu lavozimdagi vakolatlari navbatdagi 4 yillik muddatga uzaytirildi.
Oktyabrda USM xoldingi Usmonov Rossiya soliq rezidenti bo‘lishdan to‘xtaganini ma'lum qilgandi. Rossiya qonunchiligiga ko‘ra, bir yil davomida Rossiyada 183 kundan kam bo‘lmagan shaxslar Rossiya rezidentlari deb tan olinadi.
USM’da ta'kidlanishicha, Usmonov hozirda operatsion faoliyat bilan shug‘ullanmaydi va bor e'tiborini sport, xayriya va sahovatpeshalikka qaratgan. Shu va tibbiy sabablarga ko‘ra, Usmonov 2015 yilda Rossiyada rezident bo‘lish uchun talab qilingan miqdordagi kunni o‘tkazmagan.
Usmonovning yirik biznesi Kiprda ro‘yxatdan o‘tgan USM Holdings bo‘lib, tadbirkorning undagi ulushi 48 foizga teng. Xoldingning boshqa aksiyadorlari Vladimir Skoch (30 foiz) va Farhod Moshiriy (10 foiz) tuzilmalari sanaladi.
Ma'lumot uchun, USM Holdings – yirik xalqaro kompaniya bo‘lib, tarkibiga "Metalloinvest", "Megafon", Mail.ru Group, shuningdek "YuTV Xolding" kiradi.
Rossiyada esa 2015 yilning boshida nazorat qilinuvchi xorijiy kompaniyalar haqida qonun kuchga kirdi. Unga ko‘ra, rossiyaliklar bunday kompaniyalarda 10 foizdan ortiq ulushlari bo‘lsa, bu haqda soliq idoralarini xabardor etishlari kerak.
Rossiyalik soliq rezidentlari butun dunyo bo‘ylab olingan daromadlardan, rezident bo‘lmaganlar esa faqatgina Rossiyadagi manbalardan olingan foydadan soliq to‘lashadi.
Tavsiya etamiz
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
Isroil Suriyani bombaladi. Turkiya nega sukutda?
Jahon | 12:44 / 06.05.2025
May oyida vodiyda me’yorga yaqin harorat kutiladi, mamlakatning katta qismida oy xuddi iyun kabi o‘tadi
O‘zbekiston | 11:17 / 06.05.2025
So‘nggi yangiliklar
-
Tutanxamon xazinasining bir qismi yangi muzeyga ko‘chirildi
Jahon | 02:18
-
Meksika Google korporatsiyasini sudga berdi
Jahon | 00:27
-
“Harvard bu raundni yutdi”: universitet AQSh ta’lim vazirining xatolarga to‘la xatini tekshirib, o‘ziga qaytarib yubordi
Jahon | 00:01
-
Britaniyada uchuvchi o‘ng va chapni adashtirib yuborgani uchun samolyotda yong‘in chiqdi
Jahon | 23:57 / 09.05.2025
Mavzuga oid

18:04 / 09.05.2025
Rossiyalik eshkak eshuvchi O‘zbekiston sharafini himoya qiladi

17:23 / 09.05.2025
Putin To‘qayevning otasini Sovet Ittifoqi qahramoni unvoni bilan taqdirladi

14:36 / 09.05.2025
Rossiya Ikkinchi jahon urushi qatnashchilariga MDH davlatlari orasida eng kam mukofot puli to‘laydi

14:22 / 09.05.2025