Xitoy sayyohlarni jalb qilish uchun "inqilob" qilishga tayyor

Xitoy hukumati mamlakat sayyohlik tarmog‘ini rivojlantirishini aytdi, bunda birinchi qadamlardan biri bosh sayyohlik joylaridagi hojatxonalardagi sharoitlarni yaxshilash va ularni yangilash bo‘ladi, deb ma'lum qildi The Financial Express.

Xitoy modernizatsiya rejasiga ko‘ra, hojatxonadagi antisanitar sharoitlardan ko‘plab shikoyatlar tufayli katta ko‘lamli "hojatxona inqilobi" belgilangan. 

Ta'kidlanishicha, Xitoyda 2020 yilgacha 100 mingta hojatxona quriladi va ta'mirlanadi. 

Nashrning yozishicha, Xitoy hukumatida 2020 yilgacha xorijiy sayyohlar soni 150 mln nafargacha oshishi taxmin qilinmoqda. 2015 yilda bu ko‘rsatkich 134 mln sayyohni tashkil qilgan.

Xitoy sayyohlikni rivojlantirishga 290 mlrd dollar investitsiya kiritmoqchi.