Putin: Rossiyaning Suriyadagi harbiy ishtiroki kamaytiriladi

Foto: Reuters

Rossiya prezidenti Vladimir Putin Rossiyaning Suriyadagi harbiy ishtirokini kamaytirishga rozi bo‘ldi. U bu haqda mudofaa va tashqi ishlar vazirlari Sergey Shoygu hamda Sergey Lavrov bilan uchrashuvda ma'lum qilgan, deb xabar beradi TASS.

«Mudofaa vazirligining bizning Suriya Respublikasidagi harbiy ishtirokimizni kamaytirish yuzasidan taklifiga roziman», - deya aytib o‘tgan davlat rahbari.

Avvalroq, Putin Suriyada o‘t ochishni to‘xtatish va tinch muzokaralarga tayyorgarlik haqida uch hujjat imzolangani haqida xabar bergandi.