Suriyada IShID yetakchilaridan biri yo‘q qilingani ma'lum qilindi

Foto: AP

Suriyada AQSh boshchiligidagi koalitsiya aviazarbasi natijasida IShIDning yuqori martabali yetakchilaridan biri yo‘q qilindi. Bu haqda Vashingtondagi harbiy manbaga iqtibos keltirgan holda Associated Press axborot agentligi xabar bermoqda.

Ta'kidlanishicha, IShID qo‘mondoni Abu Jandal Al-Kuvaytiy Raqqa shahridan 40 km uzoqlikda joylashgan, Efrot daryosidagi to‘g‘on yaqinida yo‘q qilingan.

Axborot agentligi ma'lumotlariga ko‘ra, Al-Kuvaytiy IShIDning Raqqadagi muhim yetakchilaridan biri bo‘lgan. Uning o‘limi haqidagi axborot terrorchilar tarafdorlari tomonidan ijtimoiy tarmoqlarda ham tasdiqlangan.