Floridadagi aeroportda otishmani sodir etgan kimsa shaxsi aniqlandi

AQShning Florida shtatidagi Fort-Loderdeyl shahri aeroportida otishma sodir etgan jinoyatchining shaxsi aniqlandi. Voqea aeroportning 2-terminalida sodir etilgan. Otishma oqibatida 5 kishi halok bo‘lgan va 8 kishi yaralangan.

Guvohlarning aytishicha, otishmani 35 yoshlar atrofida bo‘lgan "qora sochli" odam sodir etgan. Keyinroq AQSh senatori Bill Nelson bu kimsaning ismi Esteban Santyago ekanligini, unda harbiy hujjatlar bo‘lganini, biroq bu hujjatlar haqiqiy ekanligini tasdiqlay olmasligini ma'lum qilgan. Jinoyatchi politsiya tomonidan ushlangan.   

Shuningdek, internetda otishma sodir etilgandan keyingi ilk daqiqalar tasvirlangan video paydo bo‘ldi.