Флоридадаги аэропортда отишмани содир этган кимса шахси аниқланди

АҚШнинг Флорида штатидаги Форт-Лодердейл шаҳри аэропортида отишма содир этган жиноятчининг шахси аниқланди. Воқеа аэропортнинг 2-терминалида содир этилган. Отишма оқибатида 5 киши ҳалок бўлган ва 8 киши яраланган.

Гувоҳларнинг айтишича, отишмани 35 ёшлар атрофида бўлган "қора сочли" одам содир этган. Кейинроқ АҚШ сенатори Билл Нельсон бу кимсанинг исми Эстебан Сантьяго эканлигини, унда ҳарбий ҳужжатлар бўлганини, бироқ бу ҳужжатлар ҳақиқий эканлигини тасдиқлай олмаслигини маълум қилган. Жиноятчи полиция томонидан ушланган.   

Шунингдек, интернетда отишма содир этилгандан кейинги илк дақиқалар тасвирланган видео пайдо бўлди.