Anqara Trampdan suriyalik kurdlarni qo‘llab-quvvatlash to‘xtatilishini kutmoqda

Foto: RIA

Anqara AQShning saylangan prezidenti Donald Tramp ma'muriyatidan suriyalik kurdlarning o‘zini-o‘zi mudofaa qilish kuchlarini qo‘llab-quvvatlashni to‘xtatishni kutmoqda. Ular Anqara tomonidan Turkiyada taqiqlangan Kurdiston Ishchi partiyasi bilan aloqador terrorchilik tashkiloti deb hisoblanadi. Bu haqda mamlakat tashqi ishlar vaziri Mevlud Chavusho‘g‘li ma'lum qildi.

"Men prezident Trampning yangi ma'muriyati eski rahbariyatning Turkiyaga nisbatan xatolarini takrorlashiga ishonmayman. Biz AQShdan Fathulloh Gulenning Turkiyaga berilishi, YPG terrorchilik tashkiloti bilan hamkorlik esa to‘xtatilishini kutmoqdamiz", - dedi Chavusho‘g‘li Anqarada xorijlik elchilar oldida chiqish qilib.

Avvalroq Anqara AQSh prezidenti Barak Obama ma'muriyatini YPG’ga qurol-yarog‘ yetkazib berilishi tufayli bir necha bor tanqid qilgandi. Amerikaliklar suriyalik kurdlarni IShID bilan kurashda o‘z ittifoqdoshi deb hisoblaydi.