Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Анқара Трампдан суриялик курдларни қўллаб-қувватлаш тўхтатилишини кутмоқда
18:51 / 09.01.2017
2773
Фото: RIA

Анқара АҚШнинг сайланган президенти Дональд Трамп маъмуриятидан суриялик курдларнинг ўзини-ўзи мудофаа қилиш кучларини қўллаб-қувватлашни тўхтатишни кутмоқда. Улар Анқара томонидан Туркияда тақиқланган Курдистон Ишчи партияси билан алоқадор террорчилик ташкилоти деб ҳисобланади. Бу ҳақда мамлакат ташқи ишлар вазири Мевлуд Чавушўғли маълум қилди.

"Мен президент Трампнинг янги маъмурияти эски раҳбариятнинг Туркияга нисбатан хатоларини такрорлашига ишонмайман. Биз АҚШдан Фатҳуллоҳ Гуленнинг Туркияга берилиши, YPG террорчилик ташкилоти билан ҳамкорлик эса тўхтатилишини кутмоқдамиз", - деди Чавушўғли Анқарада хорижлик элчилар олдида чиқиш қилиб.

Аввалроқ Анқара АҚШ президенти Барак Обама маъмуриятини YPG’га қурол-яроғ етказиб берилиши туфайли бир неча бор танқид қилганди. Америкаликлар суриялик курдларни ИШИД билан курашда ўз иттифоқдоши деб ҳисоблайди.
 


Улашинг
Top