Vine servisi yopilishining aniq sanasi e'lon qilindi

Vine’ning rasmiy tvitter akkauntida servis yopilishining aniq sanasi aytib o‘tilgan — 17 yanvar. Shundan so‘ng Vine rasmiy ravishda Vine Camera deb nomlanishni boshlaydi.

Yangi servis davomiyligi 6,5 sekund bo‘lgan rolik tayyorlash imkonini beradi va ularni tvitterda e'lon qilish yoki smartfon xotirasida saqlab qo‘yish mumkin bo‘ladi.
Avvalroq, Twitter ijtimoiy tarmog‘i qisqa videolar yozish uchun mo‘ljallangan Vine servisi ishini 2017 yil yanvarda tiklashi, ammo Vine Camera dasturida eski funksiyalardan hammasi ham bo‘lmasligi xabar berilgan edi.