Xitoyning matbuot, radio, kinematografiya va televideniye bo‘yicha davlat boshqarmasi Pokemon GO o‘yinini taqiqladi. Xitoy hukumati o‘yinni odamlar hayotiga o‘ta xavfli deb topdi, deb xabar bermoqda Reuters axborot agentligi.
Ta'kidlanishicha, Xitoy hukumati to‘ldirilgan reallik o‘yinini u bilan bog‘liq ko‘plab noxush, hattoki o‘lim bilan tugagan voqealar sababli taqiqlashga qaror qildi. Bundan tashqari, mamlakatda o‘yin vaqtida ishlatiluvchi geolokatsiya ma'lumotlari sababli "geografik axborot xavfsizligi" masalalaridan tashvishlanishmoqda.
Pokemon GO smartfonlar uchun to‘ldirilgan reallik elementlariga ega mobil dastur bo‘lib, Nintendo kompaniyasi tomonidan 2016 yil 6 iyulda ishga tushirilgan. O‘yin "Pokemon" yapon multfilmi asosida yaratilgan va uning maqsadi virtual jonzotlar – pokemonlarni qidirishdan iborat.
