Xitoyning o‘nga yaqin harbiy samolyoti 9 yanvar kuni Koreya respublikasi havo hujumidan mudofaa tizimlarining nazorat hududidan o‘tgan. Ular Chejudo oroli janubi va Iodo oroli g‘arbidan uchib o‘tishgan. Bu haqda KBS telekanaliga mamlakat milliy mudofaa vazirligidagi manba ma'lum qilgan.
"Har qanday havo kemalari mazkur hududni kesib o‘tishdan avval Janubiy Koreya tomonidan ruxsat olishi kerak. Biroq Xitoy samolyotlari hech qanday so‘rov qilishmagan", - deyiladi lavhada.
Telekanal ma'lumotlariga ko‘ra, Koreya havo kengliklarining buzilishi bir necha marta qayd etilgan. Janubiy Koreya HHK 10ta F-15K va KF-16 qiruvchi samolyotlarini havoga ko‘targan. Ular chegara buzuvchilarni havo hujumidan mudofaa tizimlari hududidan chiqarib yuborishgan. Koreya harbiylari Xitoy tomonini yuz bergan hodisadan ogoh etishgan.
