Rossiya va Turkiya Suriyada aviatsiya xavfsizligi haqidagi memorandumni imzoladi

Rossiya mudofaa vazirligi va Turkiya qurolli kuchlari bosh shtabi Suriyadagi operatsiyalar davomida aviatsiya parvozlari xavfsizligini ta'minlash haqidagi memorandumni imzolashdi. Bu haqda Rossiya mudofaa vazirligining axborot va ommaviy kommunikatsiyalar departamenti ma'lum qildi. 

"12 yanvarda Rossiya mudofaa vazirligida Rossiya qurolli kuchlari va Turkiya qurolli kuchlari delegatsiyalarining IShIDga qarshi Rossiya-Turkiya hamkorligi masalalariga bag‘ishlangan maslahatlashuvlari bo‘lib o‘tdi. Maslahatlashuvlar davomida Rossiya mudofaa vazirligi va Turkiya qurolli kuchlari bosh shtabi o‘rtasida Suriyadagi operatsiyalar davomida ko‘ngilsiz voqealarning oldini olish va aviatsiya parvozlari xavfsizligini ta'minlash haqidagi memorandum imzolandi", deyilgan xabarda.