08:30 / 16.01.2017
10629

Serbiya Kosovoga qo‘shin olib kirishga tayyorligini ma'lum qildi

Serbiya agar serb xalqiga xavf solinadigan bo‘lsa, Kosovoga o‘z armiyasini yuboradi. Serbiya prezidenti Tomislav Nikolich Kosovo hukumati "Kosovo – bu Serbiya" degan yozuvi bor poyezdni o‘tkazishdan bosh tortganiga shunday izoh berdi, deb xabar bermoqda Blic nashri.

"Agar serblar o‘ldirilsa, armiya olib kiriladi. Nafaqat armiya, balki hammamiz boramiz. Mening o‘zim birinchi bo‘lib boraman, bu men uchun birinchi marta emas", deb aytgan Nikolich milliy xavfsizlik kengashi yig‘ilishida.

U bunday vaziyatdan qochishga harakat qilishini, biroq agar zarurat bo‘lsa, armiyani olib kirish qarori uchun javobgarlikni zimmasiga olishga tayyorligini aytdi.

Top