Tramp jamoasi Rossiyaga nisbatan siyosat dasturini ishlab chiqmoqda

AQShning saylangan prezidenti Donald Tramp ma'muriyati, Tramp lavozimiga kirishganidan so‘ng, Rossiyaga nisbatan siyosat dasturini ishlab chiqadi. Bu haqda, AQShning BMTdagi doimiy vakili lavozimiga nomzod Nikki Xeyli ma'lum qilgan.

"Saylangan prezident va milliy xavfsizlik kengashi to‘planib, Rossiyaga nisbatan dastur ishlab chiqishimiz zarur. Ulardan nimani kutishimiz mumkin… qanday harakatlar qo‘shimcha sanksiyalarga olib keladi?", — degan Xeyli senatdagi eshituvlarda. Bu yerda uning BMTdagi doimiy vakillikka nomzodi muhokama qilingan. 

Shu bilan, Xeyli senatorlarning u Rossiyaga nisbatan qo‘shimcha sanksiyalarni qo‘llab-quvvatlaydimi?, degan savoliga shunday javob bergan. 

Xeyli tasdiqlansa, AQShning BMTdagi doimiy vakili Samanta Pauerning o‘rnini egallaydi. 

Xeyli 2011 yildan Janubiy Karolina shtati gubernatori lavozimini egallab kelgan.