AQShda mototsiklchi o‘zi urilgan avtomobil yukxonasida bir necha yuz metr “sayr” qildi

YouTube foydalanuvchisi Brayan Bekton Vashington shtatining Tamuoter shahri yaqinida yuz bergan yo‘l-transport hodisasiga guvoh bo‘lgan. Videoda mototsiklchi kutilmaganda keskin to‘xtagan avtomobilga borib urilgani, so‘ngra bir necha yuz metr o‘sha mashina yukxonasi ustida ketganiga guvoh bo‘lish mumkin, deb xabar qilmoqda UPI.

Gap shundaki, to‘qnashuvdan so‘ng, mototsiklchi rul ustidan uchib o‘tgan va mashina yukxonasi ustida paydo bo‘lgan. Bir necha yuz metr yurgan avtomobil haydovchisi esa, keyinroq, to‘xtashga qaror qilgan. 

Xabarlarga ko‘ra, mototsikl egasi jiddiy jarohat olmagan.