Dunyoning birinchi raqamli tennischisi Australian Open’da mag‘lub bo‘ldi va musobaqani tark etdi

Jahonning birinchi raqamli tennischisi, britaniyalik Endi Marrey Avstraliyada o‘tayotgan ochiq chempionatning to‘rtinchi doirasida germaniyalik Misha Zverevga yutqazib qo‘ydi. Uchrashuvda 5:7, 7:5, 2:6, 4:6 hisobi qayd etildi.
Asli Moskvadan bo‘lgan 29 yashar tennischi Misha Zverev ATR reytingida 50-pog‘onada bormoqda. U Endi Marrey bilan o‘tkazgan ushbu uchrashuvni 3 soatu 33 daqiqada yakunladi.
Endi Marrey ushbu mag‘lubiyatdan so‘ng Australian Open chempionatidagi ishtirokini yakunladi.