Hindistonda poyezdning relslardan chiqishi oqibatida qurbonlar soni 23 nafarga yetdi

Hindistonda poyezdning 7 vagoni va lokomotivi relslardan chiqishi oqibatida halok bo‘lganlar soni 23 kishiga yetdi. Bu haqda NDTV telekanali xabar bermoqda.

Ta'kidlanishicha, halokat qurbonlari soni oshishi mumkin.

Hindiston temir yo‘llar vaziri Suresh Prabxu vaziyatni o‘z nazoratiga olgan. U amaldorlarga voqea joyiga chiqib, tezlik bilan qidiruv-qutqaruv operatsiyasini o‘tkazishni ta'minlashni buyurdi. 

"Barcha qutqaruv va yordamchi xizmatlar zudlik bilan safarbar qilinishi kerak", deb aytgan vazir.

Avvalroq Bxubaneshvar shahriga ketayotgan poyezd Kuneru stansiyasi yaqinida relslardan chiqib ketgani ma'lum qilingandi.