Rossiya, Eron va Turkiya Ostonadagi muzokaralar yakunlariga ko‘ra muhim qarorga kelishdi

Ostonada o‘tgan Suriya bo‘yicha muzokaralar yakunlariga ko‘ra Rossiya, Eron va Turkiya terrorchilikka qarshi birga kurashishga tayyorliklarini bildirdilar, deb xabar bermoqda TASS axborot agentligi. Bu davlatlarning bu haqdagi qo‘shma bayonoti matnini Qozog‘iston tashqi ishlar vaziri Kayrat Abdraxmanov o‘qib eshittirgan.

Davlatlar Suriya ixtilofi faqatgina siyosiy yo‘l bilan hal qilinishi, uning harbiy yechimi yo‘qligi haqidagi qarorga kelishgan.

Moskva, Tehron va Anqara, shuningdek, Suriyada o‘t ochishni to‘xtatishni monitoring qilish mexanizmini yaratish haqidagi qarorga kelishgan.