«Arsenal» futbolchisi irqchilikda ayblandi

Londonning «Arsenal» klubi yarimhimoyachisi Granit Chaka irqchilikda ayblanmoqda. Bu haqda Tribuna.uz nashri xabar berdi.

Voqea «kanonir»larning APL 22-turidagi«Byornli»ga qarshi uchrashuvdagi g‘alabasidan bir kun o‘tib sodir bo‘lgan. O‘yinda qizil kartochka olib maydonni tark etgan futbolchi Xitrou aeroportida do‘stini kutib olgani chiqqan. Biroq reys kechikayotganidan jahli chiqqan futbolchi aeroport xodimlaridan biriga nemis tilida turli haqoratomuz gaplarni ishlatgan.

Futbolchi voqea joyiga yetib kelgan politsiya bilan hech qanday qarshiliksiz mahkamaga yetib borgan. «Uning o‘zi politsiyaga keldi, surishtiruv ishlari davom etmoqda», — degan huquq-tartibot organi xodimi.