Seşanba oqşomida Parijda «PSJ» va «Bavariya» örtasida bölib ötgan yorqin öyindan keyin köpçilik Madriddagi juftlik öyini juda zerikarli bölişini va har ikki jamoa öta himoyaviy taktika qöllaşini taxmin qilayotgandi. Amalda esa öyinda hujumlar va golli vaziyatlar yetarliça böldi, faqat dastlabki yarimfinal öyinidan farqli ölaroq, bu öyinda himoyaçilar va darvozabonlar yaxşi harakat qilişdi, natijada jamoalar faqat penalti orqali gol ura olişdi.
«Atletiko» – «Arsenal» 1:1
Gollar: Yokereş, 44 - penalti (0:1). Alvares, 56 - penalti (1:1)
«Atletiko»: Oblak, Gansko, Pubil, Rudjyeri, Liorente, Kardozo (Molina, 88), Koke, Lukman, Simeone (Le Norman, 46), Grizmann, Alvares (Baena, 77)
«Arsenal»: Rayya, Saliba, Gabriel Magalyayns, Inkapiye, Uayt (Moskera, 86), Rays, Subimendi, Edegor (Eze, 57), Martinelli (Saka, 68), Madueke (Gabriel Jyezus, 68), Yokereş (Trossar, 68)
Ogohlantiriş: Gansko, 78
«Arsenal» öyindan oldin UYeFAdan «Metropolitano» stadionidagi maysa balandligini ölçab körişni söradi. Maysa balandligi esa 26-30 millimetr çiqdi – bu normadan yuqori. Öyin boşlanganida esa mezbonlar maysani köproq suğorib qöyişgani ma’lum böldi – futbolçilar maydonda tez-tez toyib keta boşlaşdi.
Öyinning katta qismi teng kuraşlar ostida keçdi: muxlislar köplab zarbalar va paslar bloklanişi, tiğiz himoya va pozitsion hujumlarga, şuningdek, standart vaziyatlarga guvoh bölişdi.
Birinçi bölim oxirlarida «Arsenal» hisobda oldinga çiqib oldi. 42-daqiqada madridliklar himoyaçisi David Gansko jarima maydoni içida Viktora Yokereşni ortdan turtib yiqitdi, şvetsiyalik forvard gazonga quladi.
Öyin boş hakami Danni Makkeli 11 metrlik nuqtani körsatdi va jabrlanuvçining özi Yan Oblak darvozasi tomon qaytarib bölmas zarba yölladi.
Viktor Yokereş birinçi bölimda töpga jami 10 marta tegindi (Opta ma’lumotiga köra, barçadan kamroq), ammo öz maqsadiga erişdi. U YeÇL yarimfinalida gol urgan ilk şvetsiyalikka aylandi. Zlatan Ibrahimoviç çorakfinaldan keyingi bosqiçlarda ura olmagan: 2010 yilda «Barselona» safida «Arsenal» darvozasiga dubl qayd etgan, «PSJ» safida 2013 yilda «Barsa» darvozasiga va 2016 yilda «Siti» darvozasiga gollar urgan.
Tanaffusdan keyin esa madridliklar öyinni kuçaytirişdi va vaqti-vaqti bilan «Arsenal»ni jarima maydoniga qamab qöya boşladi. 56-daqiqada esa hisob tenglaşdi – yana penaltidan. Markos Liorente jarima maydoni taşqarisidan töpni töxtatmay zarba berdi, töp gazondan avval Ben Uaytning tizzasiga, u yerdan bilagiga bordi.
Boş hakam avvaliga penalti belgilamagandi, ammo VAR uning qarorini özgartirdi. Xulian Alvares nuqtada adaşmadi – 1:1. Bu argentinalik hujumçining Çempionlar ligasidagi 14 öyinda urgan 10-goli böldi – bunaqa sermahsullik «Atletiko» tarixida ilk bor kuzatilmoqda. Bu mavsumda faqat Harri Keyn (13) va Kilian Mbappeda (15) köproq. Ammo Alvares öyin davomida Ebereçi Eze bilan töqnaşuv vaqtida jarohat oldi va öyinni davom ettira olmadi. U javob öyinida qatnaşişi ham söroq ostida.
Öyin oxirlariga yaqin «Arsenal»da ikkinçi penalti uçun imkoniyat yuzaga keldi. Gansko bu safar jarima maydoni içida Ezening oyoğini bosib oldi, ingliz hujumçisi töpga birinçi bölib ulgurgandi va hakam darhol 11 metrlik nuqtani körsatdi.
Ammo videoassistentlar bilan uzoq maslahatlaşuvdan keyin qarorini özgartirdi.
Öyinning qolgan qismida darvozalar daxlsizligi saqlanib qoldi.
«Arsenal» hamon YeÇLda mağlubiyatga uçramayapti. Va juda kam gol ötkazmoqda
Londonliklar bu mavsumda işonçli öynaşga urğu qaratmoqda.
● «Arsenal» YeÇLda hali yutqazmadi. Umumiy guruh bosqiçida sakkiz öyinda sakkiz ğalaba qayd etilgandi. Pley-offda duranglar qayd etilişi boşlandi, ammo bu sovrin sari yurişni davom ettirişga xalal bermayapti. Safardagi durang ham navbatdagi qadamga aylandi.
● «Arsenal» YeÇL pley-offida atigi ikkinçi bor gol ötkazib yubordi. 1/8 finalning birinçi öyinida «Bayyer» maydonida ham 1:1 hisobi qayd etilgandi, javob öyini mezbonlarning 2:0 hisobidagi ğalabasi bilan yakunlandi. «Sporting» esa londonliklar jamoasiga ikki öyinda ham gol urolmadi.
● «Arsenal» YeÇLda «Atletiko»dan ilk bor gol ötkazdi. Londonliklar joriy mavsumda guruh bosqiçida öz maydonida keçgan öyinda 4:0 hisobidagi ğalabaga erişgandi. Undan oldin jamoalar faqat 2017/18 yillar mavsumida Yevropa ligasida töqnaşgandi.
● Aprel oyi «Atletiko» uçun oğir keçdi: jamoa sönggi ön öyinda 6 bor yutqazdi. YeÇLda «Tottenhem» va «Barsa»ga qarşi javob öyinlarida mağlubiyat qayd etildi, ammo ikki holatda ham ikki öyin natijasiga köra keyingi bosqiçga ötdi.
● «Arsenal»ning vaziyati ham madridliklarnikidan yaxşiroq emas: jamoa sönggi sakkiz öyinidan törttasida mağlub bölgan. Ammo şundan ikkitasi Angliya ligasi kubogi va Angliya kubogi kabi ikkinçi darajali turnirlarda qayd etilgan, yana ikki mağlubiyat tufayli jamoa APLdagi peşqadamlikni xavf ostida qoldirgan.
