Tramp shaxsiy smartfoniga "sodiq qoldi"

AQSh prezidenti Donald Tramp inauguratsiyasidan keyin himoyalanganroq smartfon foydasiga o‘zining shaxsiy smartfonidan voz kechishi kerak edi. Biroq The New York Times nashri Trampning Android-qurilmasi hamon uning yonidaligini ko‘rsatgan.

Oq uy xavfsizlik xizmati Trampga o‘zining Android-smartfonidan foydalanishni to‘xtatishni va raqamini o‘zgartirishni tavsiya qilgan. U esa bunga rozilik bildirgan. 

Biroq Trampning tvitterdagi @realDonaldTrump nomli akkauntida uning o‘zi tomonidan Android dasturidan yuborilgan keskin ruhdagi tvitlar muntazam paydo bo‘lmoqda. Shtab xodimlari tvitlari esa iPhone’dan yuboriladi.

AndroidCentral mutaxassislarining fikricha, Tramp 2012 yil may oyida sotuvga chiqarilgan Samsung Galaxy S3 smartfonidan foydalanadi.