Tramp terrorchilar bilan kurashga qaratilgan qonunga imzo chekdi

AQSh prezidenti Donald Tramp mamlakatga kirib kelayotgan muhojirlarni tanlashni kuchaytiruvchi qonunga imzo chekdi, deb xabar berdi Reuters.

Tramp so‘zlariga ko‘ra, qonun AQShga boshqa mamlakatlardan terrorchilar kirib kelishining oldini oladi.

«Men yangi choralarni AQShga radikal terrorchilarni kirib kelishiga yo‘l qo‘ymaslik maqsadida qabul qildim. Biz mamlakatimizga qonunlarimiz va xalqimizni hurmat qiluvchi kishilar kelishini istaymiz», - dedi Tramp Pentagondagi marosimda.

Avvalroq Donald Tramp AQShda Suriyadan kelgan qochqinlarni qabul qilishda ko‘proq nasroniylarga e'tibor berilishi haqida ma'lum qilgandi.