Amerikaliklarning aksariyati Trampning siyosatini qo‘llamasligi ma'lum bo‘ldi

So‘rovnomaga ko‘ra, aksariyat amerikaliklar (51 foiz) Donald Trampning birinchi ish haftasi yakunlaridan norozi. Bu haqida The Hill nashri xabar berdi. 

Manbaga ko‘ra, Tramp o‘z natijasi bilan amerikaliklar orasida qo‘llab-quvvatlash reytingining tushish tezligi bo‘yicha rekord o‘rnatgan. 

Nashr Gallup'ning tadqiqotiga tayanadi - unga ko‘ra, atigi sakkiz kun ichida so‘rovda qatnashganlarning yarmi Trampni qo‘llab-quvvatlamagan. Masalan, Trampdan oldingi prezident Barak Obamaning reytingi 936 kundan keyingina bunday ko‘rsatkichga yetgan, kenja Jorj Bushga esa 1205 kun ketgan, Bill Klintonga esa - 573 kun. 

Mazkur so‘rovnoma 1500 amerikalikni so‘rov qilish yo‘li bilan Tramp faoliyatini kundalik baholash asosida tuzilgan.