Fransiya prezidentligiga nomzod prokuraturada ko‘rsatma berdi

Fransiya prezidenti lavozimiga nomzod Fransua Fiyon va uning turmush o‘rtog‘i Panelopa dushanba kuni Milliy moliyaviy prokuraturada ko‘rsatma berishdi. Bu haqida BFM TV telekanali xabar berdi. 

Juftlik dushanba kuni peshindan keyin Nanterdagi moliyaviy prokuratura binosiga keldi. Ta'kidlanishicha, ularni alohida so‘roq qilingan. 

Bundan avval Fransiya prokuraturasida Fiyonning ishga joylashuvi tafsilotlariga aniqlik kiritilishi haqida xabar berilgan. Xususan, tergov siyosatchining turmush o‘rtog‘iga qo‘yilayotgan ayblov - moliyaviy vositalarni suiste'mol qilishga diqqatni qaratmoqda. 

Prezidentlikka nomzod qo‘yilgan aybni tan olmadi va go‘yoki qonunbuzarlik borasidagi ayblovlar uning siyosiy raqiblari tomonidan tarqatilayotganini ta'kidladi. Fiyon aybsizligini isbotlash uchun prokuratura bilan hamkorlik qilishga tayyor ekanligini bildirdi.