Tramp muhojirlik farmoni «kutilmaganda» imzolanishiga izoh berdi

AQSh prezidenti Donald Tramp Twitter’dagi o‘z sahifasida AQSh muhojirlik siyosatini kuchaytiruvchi farmon haqida avvaldan xabar qilmaganiga izoh berdi.

«Taqiq haqida bir hafta avval ma'lum qilinganda, «yomonlar» mamlakatimizga hafta davomida yog‘ilib kelishardi. Yon-atrofda yomon «yigitlar» ko‘p», - deb yozgan u.

Avvalroq AQSh prezidenti Donald Tramp ma'muriyati yakshanba kuni qochqinlarni qabul qilish va aholisi asosan musulmonlardan iborat bo‘lgan yetti davlat fuqarolarini mamlakat hududiga kiritmaslik bo‘yicha cheklovni bir qadar yumshatgani haqida xabarlar tarqadi. Bu nufuzli respublikachilar tomonidan tanqid toshlari otilgach, qolaversa, ko‘chalardagi minglab amerikaliklar qatnashgan norozilik namoyishlari fonida yuz berdi.