OAV: Kim Chen In KXDR razvedkasi rahbarini iste'foga chiqardi

Shimoliy Koreya rahbari Kim Chen In mamlakat razvedka mahkamasi boshlig‘i Kim Von Xonni iste'foga chiqardi. U xizmat mavqeini suiiste'mol qilishda gumon qilinmoqda. Bu haqda «Renxap» o‘z manbalariga asosan xabar berdi.

Ta'kidlanishicha, razvedka sobiq rahbarining harbiy unvoni ham pasaytirilgan. Kim Von Xon shuningdek korrupsiyada ham ayblanmoqda.

Manbalar so‘ziga ko‘ra, razvedka sobiq rahbarida o‘z unvoniga tiklanish uchun juda ham kam imkoniyat bor.

KXDR razvedkasi bu borada izoh berishdan bosh tortdi.

2016 yilda mamlakat yetakchisi Kim Chen In fuqarolarga hukumat haqidagi suhbat davomida istehzoli so‘zlardan foydalanishni taqiqlagandi.