2017 yilning 8 fevral kuni O‘zbekiston Respublikasi Tashqi ishlar vaziri Abdulaziz Komilov boshchiligidagi delegatsiya Al-Kuvayt shahrida Kuvayt Davlati Milliy majlisi Raisi Marzuq Ali Muhammad al-G‘anim bilan uchrashdi.
Muloqot davomida O‘zbekiston-Kuvayt munosabatlarini chuqurlashtirishning dolzarb masalalari hamda parlamentlararo hamkorlikni mustahkamlash istiqbollari muhokama qilindi.
Suhbat chog‘ida ta'kidlanganidek, Milliy majlisda faoliyat olib borayotgan parlamentlararo “Kuvayt-O‘zbekiston” do‘stlik guruhi ikki mamlakat o‘rtasidagi aloqalarni faollashtirishda ko‘mak bermoqda.
Uchrashuvda O‘zbekiston va Kuvayt o‘rtasidagi hamkorlikni yanada rivojlantirishga doir boshqa masalalar ham ko‘rib chiqildi.
