IShID Pokistondagi maqbarada sodir etilgan qonli terakt uchun javobgarlikni zimmasiga oldi

Pokistonning Sahvon-Sharif shahridagi La'l Shahboz Qalandar maqbara-majmuasi hududida yuz bergan, 70dan ortiq insonning hayotiga zomin bo‘lgan terakt uchun javobgarlikni IShID o‘z zimmasiga oldi. Bu haqda Reuters tashkilotning axborot vositalariga asoslanib xabar qildi.

Terrorchilik harakati 16 fevral kuni kechqurun, La'l Shahboz Qalandar maqbarasida ko‘plab taqvodorlar so‘fiylik odatlari amalga oshirilayotgan vaqtda sodir bo‘lgan.

Politsiya ma'lumotiga ko‘ra, xudkush terrorchi portlovchi moslamani olomon ichida ishga tushirgan.

Terakt natijasida kamida 70 kishi halok bo‘lib, 100dan ortiq kishi jabrlangani ma'lum.