«Arsenal» muxlislari «Bavariya» bilan javob o‘yini chiptalarini qaytarib bermoqda

«Arsenal» jamoasining bir guruh muxlislari Chempionlar ligasi 1/8 finali doirasida «Bavariya»ga qarshi javob o‘yinini boykot qilishni rejalashtirishmoqda. Angliya jamoasi Myunxenda 1:5 hisobida yirik mag‘lubiyatga uchragan edi. 

Germaniyadagi o‘yin boshlanishi avvalida, 7 mart kuni bo‘lib o‘tadigan javob uchrashuvi uchun barcha chiptalar sotib bo‘lingan edi, biroq mag‘lubiyatdan so‘ng, «Emireyts» stadionidagi 18ta sektorda bo‘sh o‘rinlar paydo bo‘ldi. Muxlislar jamoa o‘yini va bosh murabbiy Arsen Venger ishidan qoniqmasliklarini chiptalarni qaytarib berish bilan ifodalashmoqda, deb yozmoqda The Independent.