«Арсенал» жамоасининг бир гуруҳ мухлислари Чемпионлар лигаси 1/8 финали доирасида «Бавария»га қарши жавоб ўйинини бойкот қилишни режалаштиришмоқда. Англия жамоаси Мюнхенда 1:5 ҳисобида йирик мағлубиятга учраган эди.
Германиядаги ўйин бошланиши аввалида, 7 март куни бўлиб ўтадиган жавоб учрашуви учун барча чипталар сотиб бўлинган эди, бироқ мағлубиятдан сўнг, «Эмирейтс» стадионидаги 18та секторда бўш ўринлар пайдо бўлди. Мухлислар жамоа ўйини ва бош мураббий Арсен Венгер ишидан қониқмасликларини чипталарни қайтариб бериш билан ифодалашмоқда, деб ёзмоқда The Independent.
