Turkiya Suriyada AQSh qo‘shinlarini joylashtirishni taklif qildi

Turkiya tashqi ishlar vaziri Mavlud Chovusho‘g‘lu Turkiyaning Suriyada AQShning maxsus vazifalarni bajaruvchi quruqlikdagi qo‘shinlarini joylashtirish taklifi haqida gapirib berdi. Bu chora Suriyadagi o‘rtamiyona muxolifat kuchlarini qo‘llab-quvvatlashi kerak. Chovusho‘g‘lu bu haqda Xavfsizlik bo‘yicha Myunxen anjumanida aytib o‘tgan.   

"Ikki kun avval Turkiyaga AQSh qurolli kuchlari bosh shtabi boshlig‘i general Jozef Danford tashrif buyurdi. Biz AQSh tomoniga Suriyaga mahalliy o‘rtamiyona kuchlarni qo‘llab-quvvatlash uchun maxsus vazifalarni bajaruvchi qo‘shinlar kontingentini yuborishni taklif qildik", deb aytmoqda Chovusho‘g‘lu. 

"Raqqaga bizning koalitsiya bo‘yicha ittifoqdoshlarimiz, AQSh bilan borish mumkin. Biz ular uchun Injirlik aviabazamizni ochganmiz", deb qo‘shimcha qildi Turkiya vakili.