22 fevral kuni O‘zbekiston tashqi ishlar vaziri Abdulaziz Komilov Xalqaro qizil xoch qo‘mitasining (XQXQ) Markaziy Osiyodagi Mintaqaviy vakolatxonasi yangi rahbari Jan-Jyerom Kasabyankani qabul qildi. Bu haqda O‘zbekiston TIV matbuot xizmati xabar qildi.
Jan-Jyerom Kasabyanka vazirga XQXQ Prezidenti Peter Maurer imzolagan tayinlov to‘g‘risidagi maktubni topshirdi. Suhbat davomida 2017 yilda 25 yil to‘ladigan O‘zbekiston va XQXQ o‘rtasidagi hamroklikning hozirgi holati va rivojlantirish istiqbollari ko‘rib chiqildi.
Uchrashuv chog‘ida o‘zaro kelishilgan loyihalarni muvaffaqiyatli amalga oshirishdan ikki tomon ham manfaatdor ekanligi ta'kidlandi.
