Toşkentdagi Markaziy Osiyo davlat rahbarlari sammiti yakunlari böyiça OAV bilan gaplaşgan Abdulaziz Komilovga köra, endi mintaqa integratsiya tomon yanada ildam qadam taşlamoqda. Markaziy Osiyodagi hamkorlik aloqalarida esa bu inqilob yasaydi. Ozarboyjonning formatga qöşilişi esa Janubiy Kavkaz bilan birgalikda yangi geosiyosiy mintaqani yaratdi.
Özbekiston prezidentining taşqi siyosat böyiça maslahatçisi Abdulaziz Komilov media vakillari bilan gaplaşar ekan, Toşkentdagi sammit yakunlarini yuqori baholadi. Bunga bir qator sabablar bor. Avvalo, endi mintaqa davlatlari hamkorlik aloqalarida inqilobiy qadam taşlamoqda – Markaziy Osiyo integratsiyasi tomon ildam qadam taşlanyapti.
Bundan taşqari, Ozarboyjon rasman Markaziy Osiyo davlatlari maslahat uçraşuvi sammitlarida doimiy qatnaşadigan böldi. Ya’ni formatning doimiy a’zosi. Bu esa Markaziy Osiyo va Janubiy Kavkaz örtasida yangi geosiyosiy makonni yaratadi.
“Markaziy Osiyo davlatlari yangi bosqiçga ötişdi - ikki tomonlama masalalardan yangi kun tartibiga. Yangi kun tartibi esa mintaqaviy integratsiya. Siyosiy, iqtisodiy, gumanitar va boşqa yönalişlarda. Ikkinçidan, biz uçun juda muhim voqea böldi, rasmiy ravişda Ozarboyjon bizning sammitimizga, bizning formatimizga qöşilgani. Bugun Ozarboyjon prezidenti nutqida ta’kidlab ötdilarki, bugundan boşlab Markaziy Osiyo va Janubiy Kavkaz orasida boğliqlik kuçaymoqda va yangi geosiyosiy, geoiqtisodiy mintaqa tuğildi. Bu nima degani? Agar biz kelajakda mana şu boğliqlikni kuçaytirib, rivojlantirib kelsak, bu biz uçun, bizning mintaqamiz, Janubiy Kavkaz uçun barqarorlikni, tinçlikni, xavfsizlikni ta’minlaşga xizmat qiladi”, - deydi prezident maslahatçisi.
Uning qöşimça qilişiça, sammitda berilgan takliflar bir-biriga juda yaqin.
“Agar bunday bir nazar taşlasangiz, hamma rahbarlar, hamma prezidentlar bir-biriga yaqin takliflarni kiritdilar. Bir-biriga yaqin kun tartibidagi masalalarni kötarişdi. Bu ya’ni nima degani? Bu - Markaziy Osiyo davlatlarining yana birlaşib, bitta kuç bölib, bitta mintaqaviy ovoz bilan xalqaro maydonda gaplaşib, özlarini namoyiş qilişga yana harakat qilişlari degani”, - deydi Komilov.
Markaziy Osiyoning birlaşuvi haqida gap ketganda ekspertlardan turliça fikrlar yangraydi. Masalan, integratsiyaga mintaqadagi davlatlar turliça köz bilan qaraşi haqida tahlillar köp. Lekin prezident maslahatçisiga köra, hozir har beş davlat buning tarafdori bölmoqda.
-Siz aytayotgan mana şu regional integratsiyaga barça davlatlar qanday qaraydi? Umuman olganda, ularning hammasi ham xohlaydimi integratsiyani?
-Albatta.
Ma’lumot örnida aytiş joizki, keyingi maslahat uçraşuviga Turkmaniston mezbonlik qiladigan böldi.
Şohrux Majidzoda tayyorladi.
