Tashqi mehnat migratsiyasi agentligi orqali Rossiyada ishga joylashganlarning mehnat staji hisobga olinadi

O‘zbekiston Tashqi mehnat migratsiyasi masalalari agentligi Rossiyada o‘z vakolatxonasini ochadi. Bu haqda Sputnik O‘zbekiston muxbiriga agentlik vakili O‘zbekistonning Moskvadagi elchixonasidagi uchrashuvda ma'lum qilgan.

Uning so‘zlariga ko‘ra, keyingi yillarda O‘zbekiston fuqarolarini chet mamlakatlarda ishga joylash amaliyoti faol rivojlanmoqda. 15 yil davomida Janubiy Koreyada 30 ming, Rossiyada 5 ming, Yaponiyada 200 nafarga yaqin o‘zbekistonliklar agentlik orqali ishga joylashtirilgan.

Bundan tashqari, agentlik orqali Rossiyada ishga joylashganlarning mehnat staji xuddi o‘z vatanida ishlaganidek hisobga olinadi.

Agentlik kelgusida Birlashgan Arab Amirliklari, Turkiya va Ummon bilan ham mustahkam aloqalar o‘rnatishni rejalashtirmoqda.