Misr kirish vizalari narxini 2,5 barobarga oshirmoqda

Misr 1 mart kunidan mamlakatga kirish vizalarini deyarli 2,5 marotabaga oshirmoqda. Ma'lum qilinishicha, kirish vizalari narxi 25 dollardan 60 dollargacha, ko‘p marotabalik vizalar narxi esa 70 dollargacha oshirilgan.

Tegishli ogohlantirishlar mamlakatning barcha chegara punktlari – aeroportlar, dengiz portlari va quruqlikdagi chegara o‘tish joylariga jo‘natildi. Bu chora mamlakatga kelib chegarada viza olayotgan sayyohlarga ham, vizani oldindan konsullik xizmatida oluvchilar ham birdek taalluqli bo‘ladi.

Misr hukumati oxirgi marta viza narxini 2014 yilda 15 dollardan 25 dollargacha oshirgandi.