AQSh vitse-prezidenti Nikaragua bayrog‘ini Isroilniki deb o‘yladi

AQSh vitse-prezidenti Mayk Pens Isroilni qo‘llab-quvvatlash maqsadida joylashtirgan xabarida Nikaragua bayrog‘idan foydalandi.

«Bizning yahudiy davlatini qo‘llab-quvvatlashimiz mamlakatimiz chegaralari bilan cheklangan emas. Tramp paytida jahon Amerika Isroil tomonida ekanini bilib oladi», - deya yozgan Pens Twitter’dagi sahifasida. Shuningdek u xabarga Nikaragua bayrog‘ini ham qo‘shib qo‘ygan.

Eslatib o‘tamiz, biroz vaqt muqaddam Maykl Pens va Yevropa ittifoqi rahbari Donald Tuskning Bryusseldagi uchrashuvida Amerika bayrog‘ida bitta ortiqcha yulduz bo‘lgani haqida xabar bergandik.