Hazil video: «Kiyev meri ko‘chalarni noto‘g‘ri joylashtirilgan avtomobillardan tozalamoqda»

Kiyev shahri meri, sobiq bokschi Vitaliy Klichko yana bir bor barchani hayratlantirdi. U bu safar jismoniy qudratini namoyish etgan.

Kiyev aholisi vakillari tomonidan olingan videoda shahar boshlig‘i bir qo‘lida telefonni tutgan holda bir qo‘li bilan avtomobilni itarib, turargohga joylashtirayotgani tasvirlanadi.

"Vitaliy Klichko o‘z qo‘llari bilan ko‘chani xato parkovka qilingan avtomobillardan tozalamoqda. Klichko shunchalar kuchliki, u bir vaqtning o‘zida o‘ng qo‘lidagi telefonda gaplashgan holda, boshqa qo‘li bilan mashinani surishi mumkin", — deya hazilomuz fikr bildirgan rolik muallifi.