Toshkentdagi ikkita texnoparkda 18 ta loyihani amalga oshirish rejalashtirilmoqda

Toshkent shahrining Yashnobod va Olmazor tumanlarida yaratilishi rejalashtirilgan ikkita innovatsion texnoparkda 18 ta loyihani amalga oshirish rejalashtirilmoqda.

Barcha loyihalarning umumiy qiymati 8,84 mlrd so‘m, 1,353 mln dolar va 106 ming yevroni tashkil qiladi. Xorijiy investitsiyalar va kreditlar hajmi 900 ming dollardan ko‘proqni tashkil qiladi.  

Jumladan, Olmazor tumanidagi texnoparkda 7 ta loyiha amalga oshiriladi. Ularning qiymati 5,9 mlrd so‘m va 380 ming dollarni tashkil qiladi. 

Yashnoboddagi texnoparkda umumiy qiymati 2,94 mlrd so‘m, 973 ming dollar va 106 ming yevroni tashkil qiluvchi 11 ta loyiha amalga oshirilmoqchi.