13:41 / 09.03.2017
4752

Kobuldagi terakt qurbonlari soni 49 nafar bo‘ldi

Foto: Reuters

Afg‘oniston poytaxti Kobul shahrida sodir etilgan terakt oqibatida qurbon bo‘lganlar soni 49 nafar, jarohatlanganlar 76 kishi. Bu haqda Pajvak agentligi xabar bergan.

Bundan oldingi xabarlarda ushbu terakt 30dan ortiq kishini hayotdan olib ketgani va kamida 70 kishi jarohatlangani aytilgandi.

8 mart kuni IShIDning 4 nafar jangarisi Kobulda portlash va otishma uyushtirdi. Jangarilardan biri harbiy gospital darvozasi oldida o‘zini portlatgan, yana 3 nafari ichkariga bostirib kirib, bemorlarni va xodimlarni o‘qqa tuta boshlagan.

Tez orada hududga yetib kelgan maxsus kuchlar jangarilarning barchasini o‘ldirgan.

Top